وزيراعظم عمران خان پاران اسلام آباد ۾ شيلٽر هوم جو افتتاح

اسلام آباد (پاکستان پوائنٹ نیوز26دسمبر 2018ء) وزيراعظم عمران خان اسلام آباد ۾ شيلٽر هوم جو افتتاح ڪري ڇڏيو آهي. وزيراعظم شيلٽر هوم ۾ سهولتن جو جائزو ورتو ۽ ڊسپينسري سميت مختلف شعبن جو دورو ڪيو. ڪالهه اربع ڏينهن هتي شيلٽر هوم جي افتتاح جي موقعي تي ڳالهائيندي وزيراعظم عمرن خان چيو ته سڄي شهر مان غريب ۽ مستحق ماڻهن کي شيلٽر هوم آڻڻ جي لاءِ روزانو شام جي وقت بس سروس شروع ڪرڻ جي هدايت ڪئي آهي. جنهن تي شيلٽر هوم انتظاميا وزيراعظم کي ٻڌايو ته بس سروس شروع ٿي چڪي آهي جنهن تي وزيراعظم شيلٽر هوم انتظاميا کي ساراهيو. وزيراعظم چيو ته پشاور ۾ شيلٽر هوم تائين مستحق ماڻهن کي آڻڻ جي لاءِ حڪومت پاران 2 بسون هلايون ويون آهن جيڪي شام جو هلن ٿيون ۽ اها سروس لاهور ۾ به شروع ٿي وئي آهي.