چوڌري فواد حسين پاران ڪرسمس جي موقعي تي مسيحي برادري کي مبارڪون

اسلام آباد (پاکستان پوائنٹ نیوز25دسمبر 2018ء) اطلاعات ۽ نشريات واري وفاقي وزير چوڌري فواد حسين ڪرسمس جي موقعي تي مسيحي برادري کي مبارڪباد ڏيندي چيو آهي ته مسيحي ڀائرن جي خوشين ۾ شريڪ آهيون. ڪالهه اڱاري ڏينهن پنهنجي پيغام ۾ اطلاعات ۽ نشريات واري وفاقي وزير چوڌري فواد حسين چيو ته باباءِ قوم قائداعظم محمد علي جناح جي بصيرت جي روشني ۾ غيرمسلمان پاڪستانين جي حقن جو تحفظ پاڪستان تحريڪ انصاف جي حڪومت جي اولين ترجيح آهي. هن چيو ته پاڪستان جو آئين اقليتن جي حقن جو ضامن آهي. هن چيو ته مسيحي شهرين پاڪستان جي مضبوطي، ترقي، خوشحالي ۽ يڪجهتي ۾ اهم ڪردار ادا ڪيو آهي. هن چيو ته تعليم، صحت ۽ زندگي جي ٻين شعبن ۾ مسيحي برادري جون خدمتون ساراهه جوڳيون آهن.