وزيراعظم عمران خان جي انڊونيشيا جي صدر کي ٽيليفون

اسلام آباد (پاکستان پوائنٹ نیوز24دسمبر 2018ء) وزيراعظم عمران خان انڊونيشيا جي صدر جوڪوودودو کي ڪالهه سومر ڏينهن ٽيليفون ڪئي ۽ 22 ڊسمبر تي آهنائي سنڊا ۾ ايندڙ تباهي آڻيندڙ سونامي جي نتيجي ۾ قيمتي جانين جي زيان تي گهري ڏک ۽ افسوس جو اظهار ڪيو آهي. وزيراعظم ان ڳالهه جو اظهار ڪيو ته پاڪستان ۽ انڊونيشيا جي وچ ۾ ڀائراڻا ۽ تاريخي لاڳاپا آهن، تازي قدرتي آفت کي ٻنهي ملڪن جي عوام هڪ جهڙو محسوس ڪيو. هن چيو ته اها انڊونيشيا جي لاءِ آزمائش جي گهڙيءَ آهي ۽ انڊونيشيا جي بهادر عوام الله جي فضل سان انهن مشڪلاتن تي ضابطو آڻي وٺندي ۽ انڊونيشيا وڌيڪ ترقي ڪندو. وزيراعظم انڊونيشيا سان ٻطرفن لاڳاپن کي وڌيڪ سگهه ڏيڻ ۽ ٻنهي ملڪن جي عوام جي گڏيل مفاد جي سمورن شعبن ۾ ٻطرفو تعاون وڌائڻ جي عزم کي ورجايو.