اسلام آباد (پاکستان پوائنٹ نیوز18دسمبر 2018ء) سينيٽ والاريل ڪشمير ۾ معصوم ڪشميرين تي ڀارتي قابض فوج جي ظلم ۽ ڏاڍ جي مذمت جي لاءِ قرارداد جي منظوري ڏئي ڇڏي آهي. اڱاري ڏينهن سينيٽ جي اجلاس ۾ سينيٽر شيري رحمان ان حوالي سان قرارداد پيش ڪئي. قرارداد ۾ چيو ويو آهي ته هي ايوان والاريل ڪشمير ۾ ڀارتي قابض فوج جي بي گناهه ۽ معصوم ڪشميرين تي ظلم ۽ ڏاڍ ۽ انهن جي نسل ڪشي جي مذمت ڪري ٿو، قابض فوج ڪشميرين تي ظلم جا پهاڙ ڪيرائي رهي آهي. ڪنهن صحافي، سياح ۽ انساني حقن جي ڪارڪن کي والاريل ڪشمير ۾ داخلا جي اجازت نه آهي، قابض فوج جي ان طرح جا حربا ڪشميرين کي خودمختياري واري حق جي انهن جي بنيادي حق کان محروم نٿا ڪري سگهن، هي ايوان او آءِ سي جي سيڪريٽري جنرل طرفان ان معاملي تي کلي خيالن جو اظهار ڪرڻ جي واکاڻ ڪري ٿو ۽ مطالبو ڪري ٿو ته اسلامي ڪانفرنس جي تنظيم جو هنگامي اجلاس گهرائي ان مسئلي تي غور ڪيو وڃي ۽ ڪشميرين جي منظم نسل ڪشي، انهن کي گم ڪرڻ، غير قانوني تلاشي، پيلٽ گنز جهڙا ظالماڻا حربا روڪرايا وڃن. ايوان حڪومت کان به مطالبو ڪري ٿو ته ڪشمير جي ماعلي تي خصوصي نمائندو مقرر ڪيو وڃي ۽ گڏيل قومن جي لاءِ ڪشمير جي حوالي سان خصوصي ايلچي مقرر ڪيو وڃي، پاڪستان ڪشميرين جي اخلاقي، سياسي ۽ سفارتي حمايت ڪندو رهندو. ايوان اتفاق راءِ سان قرارداد جي منظوري ڏئي ڇڏي.
سينيٽ پاران والاريل ڪشمير ۾ معصوم ڪشميرين تي ڀارتي قابض فوج جي ظلم ۽ ڏاڍ خلاف مذمتي قرارداد منظور
5 سال پھريان
