موٽر وي جو فيصل آباد، ملتان ۽ عبدالحڪيم سيڪشن جلد ٽريفڪ لاءِ کوليو ويندو: مراد سعيد

اسلام آباد (پاکستان پوائنٹ نیوز12دسمبر 2018ء) مواصلات واري مملڪتي وزير مراد سعيد چيو آهي ته موٽر وي جو فيصل آباد، ملتان ۽ عبدالحڪيم سيڪشن جلد ٽريفڪ لاءِ کوليو ويندو، 250 اهلڪارن جون مقرريون به جلد ڪيون وينديون، موٽر وي تي ريسٽ ايريا ۾ مهانگي اگهن تي شين جي وڪري جي حوالي سان صوبائي حڪومتن جي نوٽيس ۾ اهو معاملو آندو ويندو، اربع ڏينهن قومي اسيمبلي ۾ ملڪ عامر ڊوگر جي ايم ون اسلام آباد پشاور موٽر وي تي معياري سروس سينٽرز جي سهولت ميسر نه هجڻ بابت ڌيان ڇڪايو نوٽيس جي جواب ۾ مملڪتي وزير مراد سعيد چيو ته ان معاملي جو اسان جائزو ورتو آهي، ايم ون تي مسجد ۽ واش روم ٺاهڻ جي لاءِ ٻوليون اچي چڪيون آهن، هن چيو ته فيصل آباد، ملتان موٽر وي تي موٽر وي پوليس جا 295 اهلڪار جلد مقرر ڪيا ويندا، ۽ جلد ئي فيصل آباد ملتان ۽ عبدالحڪيم سيڪشن کي ٽريفڪ لاءِ کوليو ويندو، هن چيو ته موٽر وي تي مهانگي اگهن تي شيون وڪرو ڪيون وينديون آهن، اسان ان حوالي سان ان معاملي تي لاڳاپيل صوبائي حڪومت سان ڳالهه ڪئي آهي، جنهن لاڳاپيل ضلعي ۾ ريسٽ ايريا هوندو ضلعي انتظاميه قيمتن کي مانيٽر ڪرڻ جي ذميدار هوندي.