پاڪستان سدائين مسلمان دنيا جي وچ ۾ عمل ۽ مفاهمت لاءِ ڪوششون ڪيون آهن: پرڏيهي وزارت

اسلام آباد (پاکستان پوائنٹ نیوز10دسمبر 2018ء) پرڏيهي وزارت پاران قومي اسيمبلي کي ٻڌايو ويو آهي ته پاڪستان سدائين مسلمان دنيا جي وچ ۾ عمل ۽ مفاهمت لاءِ ڪوششون ڪيون آهن، يمن تڪرار جي حل لاءِ به پاڪستان پنهنجون ڪوششون جاري رکندو ۽ يمن تڪرارن جي حل لاءِ سڀني ڌرين جي وچ ۾ ڳالهيون ڪرايون وينديون. سومر ڏينهن ڊاڪٽر مهرين رزاق ڀٽو جي سوال جي جواب ۾ پرڏيهي وزير شاهه محمود قريشي پاران لکت واري جواب ۾ قومي اسيمبلي کي ٻڌايو ويو ته 10 اپريل 2015ع تي پارليامينٽ جي قرارداد جي روشني ۾ يمن تڪرار ۾ هڪ اهم ڪردار ادا ڪرڻ جي وزيراعظم 24 آڪٽوبر 2018ع تي پنهنجي خطاب ۾ آڇ ڪئي، ڇاڪاڻ ته پاڪستان جا سڄي اسلامي دنيا جي سڀني ملڪن سان ويجها لاڳاپا آهن، اسان ان تي يقين رکندا آهيون، يمن تڪرار جي حوالي سان سڀني پارٽين جي وچ ۾ يمن جي حوالي سان ڳالهيون ڪرايون وڃن، پاڪستان سدائين مسلمان دنيا جي وچ ۾ امن ۽ مفاهمت جي لاءِ ڪوششون ڪيون آهن ۽ ان ڏس ۾ به پنهنجون ڪوشسون جاري رکندو، ٻنهي پاران قابل قبول هئڻ جي صورت ۾ اسان ٻنهي ڀائراڻي ملڪن جي وچ ۾ ثالث جو ڪردار ادا ڪري سگهون ٿا. شمس النساءُ جي افغان طالبان ۽ افغان حڪومت سان امن ڳالهين ۾ پاڪستان جي شرڪت جي حوالي سان حڪومت جي پاليسي بابت لاڳاپيل سوال جي جواب ۾ پرڏيهي وزير شاهه محمود قريشي پاران لکت جواب ۾ ٻڌايو ته افغانستان ۾ امن سان سڀ کان وڌيڪ فائدو پاڪستان ۾ ٿيندو ۽ اهڙي طرح افغانستان ۾ بدامني سان پاڪستان وڌيڪ متاثر ٿيندو آهي، حڪومت پاڪستان ۾ اقتصادي ترقي جي ايجنڊا تي عمل پيرا آهي، اهو مقصد حاصل ڪرڻ جي لاءِ افغانستان ۾ امن ۽ استحڪام هئڻ ضروري آهي، افغانستان جي تڪرارن جو ڪو فوجي حل ناهي واحد قابل عمل حل اهو آهي ته افغانستان پاڻ سياسي ڳالهين جي ذريعي ان مسئلي کي حل ڪري، پاڪستان سدائين افغانستان ۾ امن جي لاءِ ڪوششون ڪيون آهن ۽ ان ڳالهه تي زور ڏنو آهي ته طالبان کي ڳالهين جي ميز تي آڻڻ ٻنهي ملڪن جي گڏيل ذميداري آهي ۽ ڪنهن هڪ ملڪ سان اهو ڪم انجام ڏيڻ جي اميد نه ڪرڻ گهرجي ان جذبي تحت پاڪستان جولاءِ 2015ع ۾ مري امن ڳالهين جو اهتمام ڪيو، تنهن هوندي به ملا عمر جي فوتگي جي خبر افشان ٿيڻ تي امن ڳالهيون ختم ڪيون ويون، پاڪستان امن ڳالهين کي ٻيهر شروع ڪرڻ جي ڏس ۾ طالبان کي راضي ڪرڻ جي لاءِ چار طرفي مددگار گروپ (ڪيو سي جي) جي ذريعي اهم ڪردار ادا ڪيو تنهن هوندي به ڳالهيون شروع ٿيڻ کان ڪجهه ڏينهن اڳ ملا اختر منصور جي آمريڪي ڊرون حملي ۾ فوت ٿيڻ جي سبب تي امن عمل دير جو شڪار ٿي ويو، لکت واري جواب ۾ وڌيڪ ٻڌايو ويو آهي ته پاڪستان سڀني علائقائي ۽ عالمي فورمن تي هڪ موثر ۽ متحرڪ پاليسي رکي ٿو جنهن جو مقصد افغانستان ۾ امن ۽ استحڪام سان يو اين ايشيا جو ڪلب استنبول عمل، چار ڌريو تعاون گروپ، (ڪيو سي جي) ايس سي ۽ رابطا گروپ بابت افغانستان، ڪابل عمل، ماسڪو جوڙجڪ ۽ تاشقند ڪانفرنس جيڪا افغانستان ۾ امن بابت آهي.