ناڻي واري وفاقي وزير جي صدارت ۾ اقتصادي رابطا ڪميٽي جو اجلاس

اسلام آباد (پاکستان پوائنٹ نیوز 04 دسمبر 2018ء) اقتصادي رابطا ڪميٽي (اي سي سي) کنڊ جي برآمدي ڪوٽا کي وڌائي 11 لک ٽن ڪري ڇڏيو آهي، ناڻي واري وفاقي وزير اسد عمر جي صدارت ۾ اقتصادي رابطا ڪميٽي جو اجلاس اڱاري ڏينهن منعقد ٿيو، اجلاس ۾ ڪميٽي کنڊ جي برآمدي ڪوٽا ۾ هڪ لک ٽن اضافي جي منظوري ڏئي ڇڏي جنهن کانپوءِ کنڊ جي برآمدي ڪوٽا کي وڌائي 11 لک ٽن ڪيو ويو آهي، اقتصادي رابطا ڪميٽي فريٽ سپورٽ جي بقايائن جي ادائيگي لاءِ 2 ارب جاري ڪرڻ جي به منظوري ڏني، اي سي سي ظافر گئس فيلڊ مان 30 ايم ايم سي ايف ڊي گئس مختص ڪرڻ جي به منظوري ڏني.