سي پيڪ جي بنياد کي سگهه ڏيڻ ۽ رفتار تيز ڪرڻ جي ضرورت هئي: خسرو بختيار

اسلام آباد (پاکستان پوائنٹ نیوز 03 دسمبر 2018ء) منصوبابندي، ترقي ۽ سڌارن واري وفاقي وزير مخدوم خسرو بختيار چيو آهي ته سي پيڪ جي بنياد کي سگهه ڏيڻ ۽ رفتار تيز ڪرڻ جي ضرورت هئي ته جيئن هدفن کي حاصل ڪرڻ کي ممڪن بڻائي سگهجي، چين سان زراعت جي شعبي ۾ تعاون جو معاهدو ٿيو، اهڙن خيالن جو اظهار هن سينيٽ جي سي پيڪ بابت اسپيشل ڪميٽي کي خطاب ڪندي ڪيو. وفاقي وزير چيو ته زرعي شعبي ۾ تعاون جي نتيجي ۾ چيني مارڪيٽ تائين رسائي، ڪارپوريٽ فارمنگ، پراڊڪٽس مارڪيٽنگ کي فروغ ملندو، سي پيڪ تحت سماجي شعبي کي ترقي ڏيڻ لاءِ ڌار جوائنٽ ورڪنگ گروپ جو قيام عمل ۾ آندو ويو. هن چيو ته گهٽ ترقي يافته علائقن ۾ سماجي ڀلائي جي منصوبي انهي گروپ جي ذريعي عمل ۾ آندا ويندا، سي پيڪ تحت صنعتي تعاون کي فروغ مليو، هڪ جامع معاهدو ڪرڻ جي ڪوشش ڪري رهيا آهيون، هن چيو ته سي پيڪ ۾ پاڪ چين ٻه طرفي تعاون جي بنياد تي ٽئين ملڪ کي سيڙپڪاري جو موقعو ملندو، سي پيڪ پاڪ چين ٻه طرفي تعاون جو پليٽ فارم آهي جنهن ۾ ٽئين ڌر جي شموليت ناهي ٿي، هن چيو ته ٽئين ملڪن جي ڪمپنين کي صنعتي زون ۽ انفراسٽرڪچر منصوبن ۾ سيڙپڪاري جا موقعا فراهم ڪيا ويندا، ايم ايل ون منصوبي ۾ ٽئين ڌر جي سيڙپڪاري آڻڻ لاءِ ڪوششون ڪيون پيون وڃن، وفاقي وزير چيو ته پيٽروليم شعبي ۾ وڏي پئماني تي سيڙپڪاري جو امڪان آهي، گوادر ماسٽر پلان تحت آئل سٽي جو قيام عمل ۾ آندو ويندو، سي پيڪ کي پي ايس ڊي پي جو نعم البدل تصور نه ڪيو وڃي، اولهه روٽ جي تعمير سي پيڪ جو حصو آهي ۽ 8 هين جي سي سي جي ايجنڊا ۾ شامل آهي، هن چيو ته ايندڙ مالي سال تائين فري ٽريڊ ايگريمينٽ کي حتمي شڪل ڏني ويندي. صنعتي تعاون جو عمل تيز ڪيو ويو آهي، رشڪئي صنعتي زون تي جلد ڪم جو آغاز ٿي ويندو، صنعتي تعاون تحت چيني صنعتن جي منتقلي لاءِ ڪوششون جاري آهن.