صدر سان قطر جي حڪمران خاندان جي ميمبر جي ملاقات

اسلام آباد (پاکستان پوائنٹ نیوز28نومبر2017ء) صدر ڊاڪٽر عارف علوي سان ڪالهه اربع ڏينهن هتي قطر جي حڪمران خاندان جي ميمبر شيخ فلاح بن جاسم بن جابر الطهاني ملاقات ڪئي، صدر مهمان جو گرمجوشي سان آڌر ڀاءُ ڪندي پاڪستان مان هڪ لک افرادي قوت درآمد ڪرڻ بابت قطر جي امير جي فيصلي کي ساراهيو ۽ ٻه طرفن لاڳاپن ۾ تيزي سان اضافي خاص طور تي ڪراچي پورٽ ۽ حماد پورٽ جي وچ ۾ رابطن کانپوءِ پاڪستاني برآمد جي ماپي ۾ اضافي تي اطمينان جو اظهار ڪيو. صدر ان موقعي تي قطر جي امير کي پاڪستان جي دوري جي دعوت ڏني، شيخ فلاح بن جاسم بن جابر الطهاني صدر کي آگاهه ڪيو ته قطر هاڻي پاڪستان مان هڪ لک 40 هزار پورهيت گهرائي رهيو آهي، ڪوئلي مان هلندڙ پورٽ قاسم پاور پلانٽ جو حوالو ڏيندي هن چيو ته 150ا رب ڊالر ماليت جو منصوبو پاور چائنا ۽ المرقاب جي وچ ۾ سي پيڪ ۾ پهريون جوائنٽ وينچر آهي هن ان اعتماد جو اظهار ڪيو ته گوادر پورٽ ايندڙ 15 سالن ۾ اهم علائقائي پورٽ طور تي اڀري سامهون ايندو. ان موقعي تي سينيٽ چيئرمين محمد صادق سنجراڻي، سينيٽر نصيب الله بازئي ۽ سينيٽر احمد خان موجود هئا.