حڪومت ڪاروبار لاءِ هر ممڪن سهولتون فراهم ڪرڻ جي لاءِ پرعزم آهي: وزيراعظم عمران خان

اسلام آباد (پاکستان پوائنٹ نیوز28نومبر2017ء) وزيراعظم عمران خان چيو آهي ته موجوده حڪومت ڪاروباري ماڻهن ۽ سيڙپڪارن کي هر ممڪن سهولتون فراهم ڪرڻ جي لاءِ پرعزم آهي، هن اها ڳالهه ”پيپسي ڪو“ جي ايشيا وچ اوڀر ۽ اتر آفريقا جي چيف ايگزيڪيٽو آفيسر مائيڪ سپا نوز جي سربراهي ۾ وفد سان ڳالهائيندي چئي. ”پيپسي ڪو“ جي وفد وزيراعظم کي پاڪستان ۾ پنهنجي ڪمپني جي ڪاروبار ۽ ايندڙ پنجن سالن ۾ 1.2 ارب ڊالر جي وڌيڪ سيڙپڪاري جي منصوبي جي باري ۾ آگاهه ڪيو، هن صنعت کي درپيش ڪجهه مسئلن جو به ذڪر ڪيو، وفد موجوده حڪومت جي سيڙپڪاري ڪاروبار دوست پاليسين تي ڀرپور اعتماد جو اظهار ڪيو، وزيراعظم چيو ته سندس حڪومت ملڪ ۾ دستياب ڪاروباري موقعن مان فائدي لاءِ سيڙپڪار برادري کي سهولتون فراهم ڪرڻ جو پڪو پهه ڪيو آهي، هن چيو ته پاڪستان قدرتي ۽ انساني وسيلن سان مالا مال آهي، جتي 30 سالن کان گهٽ عمر جي 10 ڪروڙ کان وڌيڪ ماڻهن جي آبادي موجود آهي۔