اسلام آباد (پاکستان نیوزپوائنٹ 08 مئی 2018ء) جي يو آءِ (ف) جي فاٽا سان تعلق رکندڙ قومي اسيمبلي ميمبر محمد جمال الدين چيو آهي ته فاٽا جي انضمام جي فيصلي تي قبائلي عوام شديد ڪاوڙ ۾ آهي، ڪو به فيصلو فاٽا جي عوام جي مرضي کانسواءِ نه ڪيو وڃي، اڱاري ڏينهن قومي اسيمبلي ۾ اعتراض واري نقطي تي جي يو آءِ (ف) جي فاٽا سان تعلق رکندڙ اسيمبلي ميمبر محمد جمال الدين چيو ته گهرو وزير تي حملي جي اسان مذمت ڪريون ٿا، هي حملو ايوان تي ۽ پوري ملڪ تي حملو آهي، جيڪڏهن ان معاملي کي سنجيده نه ورتو ويو ته اسيمبلي ميمبر پنهنجي پنهنجي تڪن ۾ وڃڻ جي قابل نه رهندا، هن چيو ته قبائلي علائقن جي انضمام سان قبائلي عوام حقن کان محروم ٿي ويندي، ملڪ مسئلن ۽ پريشانين جو شڪار آهي، حڪومت پنهنجي لاءِ ان طرح جي فيصلا ڪري پنهنجي لاءِ وڌيڪ مشڪلاتون پيدا نه ڪري، قبائلي علائقن جي اڪثريت اضمام جي مخالفت آهي.
فاٽا جي انضمام جي فيصلي تي قبائلي عوام شديد ڪاوڙ ۾ آهي: محمد جمال الدين
6 سال پھريان
