قومي اسيمبلي جي دفاعي پيداوار بابت اسٽينڊنگ ڪميٽي جا ميمبر پي اي سي ڪامره جو دورو ڪندا

اسلام آباد (پاکستان نیوزپوائنٹ 26مارچ2018ء) قومي اسيمبلي جي دفاعي پيداوار بابت اسٽينڊنگ ڪميٽي جا ميمبر چيئرمين خواجه سهيل منصور جي سربراهي ۾ اڄ اڱاري ڏينهن پاڪستان ايروناٽيڪل ڪمپليڪس (پي اي سي) ڪامره جو دورو ڪندا. ڪميٽي جي دوري جي موقعي تي پاڪستان ايرو ناٽيڪل ڪمپليڪس جي عملدارن پاران تيار ڪيل نئين ڪمرشل مصنوعات جي حوالي سان تفصيلي بريفنگ به ڏني ويندي. اسٽينڊنگ ڪميٽي جو 49 هون اجلاس به ڪامره ۾ منعقد ٿيندو جنهن ۾ گذريل اجلاسن جي منٽس جي توثيق، ڪميٽي جي گذريل سفارشن تي عملدرآمد جي حوالي سان تفصيلي طور آگاهه ڪيو ويندو.