اسلام آباد (پاکستان نیوزپوائنٹ 15مارچ2018ء) پي ٽي آءِ قومي اسيمبلي ميمبر غلام سرور خان چيو آهي ته ڪالاباغ ڊيم، ڀاشا ڊيم ۽ داسو ڊيمن کي سياست جي نظر ڪيو پيو وڃي، خميس ڏينهن قومي اسيمبلي ۾ اعتراض واري نقطي تي غلام سرور خان چيو ته ڪالاباغ ڊيم، ڀاشا ڊيم ۽ داسو ڊيمن کي سياست جي نظر ڪيو پيو وڃي، هي ملڪ دشمنن جي سازش آهي، ڊيمن جي مخالفت ڪندڙ اسان مان ئي آهن، اسان جي حصي جو دريائن جو پاڻي ڀارت روڪي رهيو آهي، اسان جو دشمن اسان کي بکيو ۽ اڃيو مارڻ چاهي ٿو، ايتري سنجيده مسئلي تي ڪنهن اعليٰ فورم تي ڪا ڳالهه ناهي ڪئي وئي، ان اهم مسئلي تي بحث ڪرائي واضح لائحه عمل جوڙيو وڃي، هن چيو ته اسان کي ترقياتي فنڊز نه پيا ڏنا وڃن، ڊپٽي اسپيڪر چيو ته نوان فنڊ ڏيڻ ته پري جي ڳالهه آهي ڪي پي ڪي جي وڏي وزير اڳوڻي حڪومت جون اسڪيمون مڪمل ناهن ڪيون، سڀ کان وڌيڪ زيادتي ڪي پي ڪي جي صوبائي حڪومت ڪئي آهي، ڪيپٽن (ر) محمد صفدر چيو ته داسو ۽ ڀاشا ڊيمن تي ڪم جاري آهي، تربيلا فور ۽ فائيو تي ڪم جو آغاز ٿي ويو آهي پر هڪ فيصلي سان پاڪستان جي ترقي رڪجي وئي آهي.
ڪالاباغ ڊيم، ڀاشا ڊيم ۽ داسو ڊيمن کي سياست جي نظر ڪيو پيو وڃي: غلام سرور خان
6 سال پھريان
