اسلام آباد (پاکستان نیوزپوائنٹ 06مارچ2018ء) سينيٽ مان عهدو ڇڏيندڙ ميمبرن چيو آهي ته سينيٽ چيئرمين هن ايوان کي صحيح معنيٰ ۾ اعليٰ ايوان بڻايو ۽ غيرجانبداراڻي طريقي سان هن ايوان کي هلايو، سياست ذريعي عوام جي زندگي ۾ بهتري آڻي سگهجي ٿي، سياسي پارٽين جي اندر به وڌيڪ جمهوريت جي ضرورت آهي، اسان کي نوجوانن کي سياست طرف آڻڻ گهرجي. ڪالهه اڱاري ڏينهن سينيٽ جي اجلاس ۾ پنهنجي الوداعي خطاب ۾ سينيٽر نسرين جليل چيو ته ڪميٽين جي سفارشن تي هاڻي حڪومت کي جوابده ٿيڻو پوي ٿو، سينيٽ چيئرمين اسٽيٽ کي مضبوط بڻايو آهي، هن ايوان ۾ تمام گهڻي عزت ملي آهي ۽ تمام سٺو وقت گذاريو. سينيٽر ظفرالله خان ڍانڍلا چيو ته چيئرمين تمام گهڻيون نيون شيون متعارف ڪرايون آهن جيڪي ان جون يادگار رهنديون. چيئرمين هن ايوان کي صحيح معنيٰ ۾ اعليٰ ايوان بڻايو ۽ غيرجانبداراڻي طريقي سان هن ايوان کي هلايو. سينيٽر عثمان سيف الله چيو ته سياست ذريعي عوام جي زندگي ۾ بهتري آڻي سگهجي ٿي، سياسي پارٽين جي اندر به جمهوريت جي ضرورت آهي، اسان کي نوجوانن کي سياست طرف آڻڻ گهرجي، اميد آهي ته اسان قوم کي مايوس نه ڪنداسين. هن سينيٽ چيئرمين کي ٻيهر چونڊجڻ تي مبارڪباد ڏني.
سينيٽ چيئرمين هن ايوان کي صحيح معنيٰ ۾ اعليٰ ايوان بڻايو: عهدو ڇڏيندڙ سينيٽرز
6 سال پھريان
