سينيٽ چيئرمين جي اعزاز ۾ الوداعي تقريب اڄ ٿيندي

اسلام آباد (پاکستان نیوزپوائنٹ 05 مارچ2018ء) سينيٽ چيئرمين ميان رضا رباني جي اعزاز ۾ الوداعي تقريب اڄ اڱاري ڏينهن پارليامينٽ هائوس ۾ ٿيندي، ان تقريب جو اهتمام سينيٽ سيڪريٽريٽ ۽ پارلياماني رپورٽرز ايسوسيئيشن جي سهڪار سان ڪيو ويو آهي. الوداعي تقريب ۾ پارليامينٽ جا ميمبر ۽ پي آر اي جا مرڪزي عهديدارن شرڪت ڪندا. تقريب ۾ شرڪت ڪندڙ سينيٽ چيئرمين ميان رضا رباني جي سينيٽ چيئرمين طور ڪردار ۽ سندس طرفان نئين روايت متعارف ڪرائڻ جي حوالي سان خيالن جو اظهار ڪندا. بنا شڪ جي ميان رضا رباني پنهنجي ٽن سالن واري دور ۾ سينيٽ چيئرمين طور سينيٽ کي اداري طور مستحڪم ڪرڻ ۽ ان کي فعال بڻائڻ جي حوالي سان اهم ڪردار ادا ڪيو، هن سينيٽ جي فورم کي وفاق پاڪستان جي چئني ڌرين کي ٻڌي ۽ اتحاد جي حوالي سان انتهائي موثر انداز ۾ فعال ڪيو ۽ ان کانسواءِ سينيٽ اجلاس جو آغاز وقت سر ڪرڻ جي حوالي سان به هن هڪ قابل تقليد مثال قائم ڪيو آهي.