اسلام آباد (پاکستان نیوز پوائنٹ 07ستمبر 2016ء) قومي اسيمبلي جي اڳواڻي اسپيڪر ڊاڪٽر فهميده مرزا تجويز ڏني آهي ته ايوان ۾ ڪارروائي جي آغاز تي تلاوت ۽ نعت کانپوءِ قومي ترانو وڄايو وڃي ان سان قوم ۾ نئون جذبو پيدا ٿيندو، وومن ڪاڪس کي دنيا تسليم ڪري ٿي، ان کي فعال بڻايو وڃي، عورتن بابت قومي ڪميشن جي چيئرپرسن جي مقرري ڪئي وڃي. اربع ڏينهن قومي اسيمبلي جي اجلاس ۾ اعتراض واري نقطي تي ڊاڪٽر فهميده مرزا چيو ته قرآن حڪيم جي تلاوت ۽ نعت رسول مقبول صه کانپوءِ ايوان ۾ قومي ترانو وڄايو وڃي ان سان قوم ۾ هڪ نئون جذبو پيدا ٿيندو، هن احتساب ۽ آرڊيننسن جاري ڪرڻ جي حوالي سان ميمبرن جي موقف جي مڪمل تائيد ڪندي چيو ته اسان کي پارليامينٽ کي مضبوط بڻائڻ گهرجي. هن چيو ته گڏيل مفادن واري ڪائونسل ۽ اين ايف سي ايوارڊ جي حوالي سان پارليماني ڪميٽي جوڙي وڃي، هن چيو ته عورتن بابت قومي ڪميشن جهڙي اداري جي لاءِ چيئرپرسن جي مقرري ڪئي وڃي، عورت پارليامينٽ ميمبرن جي گروپ وومن ڪاڪس کي مون مضبوط بڻايو هو ان فورم کي فعال بڻايو وڃي، ڪنهن کي به وومن ڪاڪس کي پنهنجي ذات ۽ انفرادي مقصدن لاءِ استعمال نه ٿيڻ گهرجي.
ايوان ۾ ڪارروائي جي آغاز تي تلاوت ۽ نعت کانپوءِ قومي ترانو وڄايو وڃي: ڊاڪٽر فهميده مرزا
8 سال پھريان
