مخالف ڌر جي پارٽين پاران آرڊيننسن جي ذريعي قانونسازي تي احتجاج طور قومي اسيمبلي جي اجلاس مان واڪ آئوٽ

اسلام آباد (پاکستان نیوز پوائنٹ 07ستمبر 2016ء) مخالف ڌر جي پارٽين آرڊيننسن جي ذريعي قانونسازي تي احتجاج طور قومي اسيمبلي جي اجلاس مان واڪ آئوٽ ڪيو. اربع ڏينهن ناڻي واري وزارت طرفان ايوان ۾ پيش ڪيل اوڳاڙي واري آرڊيننس 2016ع تي اي اين پي جي اڳواڻ حاجي غلام احمد بلور چيو ته آرڊيننسن جي ذريعي قانونسازي جي اسان سخت مخالفت ڪريون ٿا، هي عوام سان به انصاف نه آهي، سيد نويد قمر چيو ته پارليامينٽ سان ٿيندڙ ان زيادتي تي اسان ايوان مان واڪ آئوٽ ڪنداسين، ان سان گڏ ئي مخالف ڌر جا ميمبر ايوان مان واڪ آئوٽ ڪري ويا. اسپيڪر وفاقي وزير ميان رياض حسين پيرزاده کي هدايت ڪئي ته مخالف ڌر کي راضي ڪري ايوان ۾ آندو وڃي، ان کانپوءِ ميمبر ايوان ۾ واپس اچي ويا.