اسلام آباد (پاکستان نیوز پوائنٹ 06ستمبر 2016ء) سينيٽ اتفاق راءِ سان هڪ رٿ جي منظوري ڏئي ڇڏي آهي جنهن تحت سينيٽ چيئرمين کي قومي احتساب آرڊيننس 1999ع ۾ ترميم جي لاءِ سفارشون جوڙيندڙ پارلياماني ڪميٽي ۾ سينيٽ جي ميمبرن جي نامزدگي جو اختيار هوندو. اها ڪميٽي ٽن مهينن جي اندر پنهنجي رپورٽ پيش ڪندي. ڪالهه اڱاري ڏينهن سينيٽ جي اجلاس دوران قانون ۽ انصاف واري وفاقي وزير زاهد حامد چيو ته 17 آگسٽ 2016ع تي قومي اسيمبلي به ان حوالي سان رٿ منظور ڪئي آهي. هن سينيٽ چيئرمين کي ڪميٽي ۾ ميمبرن جي نامزدگي جي لاءِ اختيار ڏيڻ جي رٿ پيش ڪئي، ڪميٽي جي لاءِ 20 ميمبر قائد ايوان ۽ مخالف ڌر اڳواڻ جي مشاورت سان نامزد ڪيا ويندا، سمورين پارلياماني پارٽين کي ايوان ۾ نمائندگي جي حساب سان ڪميٽي ۾ نمائندگي ملندي، چيئرمين چيو ته اها ڪميٽي پنهنجي ٺهڻ جي ٽن مهينن اندر رپورٽ پيش ڪندي.
سينيٽ پاران قومي احتساب آرڊيننس 1999ع ۾ ترميم لاءِ سفارشون جوڙيندڙ پارلياماني ڪميٽي ۾ ميمبرن جي نامزدگي جو اختيار سينيٽ چيئرمين حوالي ڪرڻ جي رٿ منظور
8 سال پھريان