قصور سانحي طرز جا واقعا ملڪ جي ٻين حصن ۾ به ٿي رهيا آهن، انهن کي گڏائي ڏسڻ جي ضرورت آهي: نعيمه ڪشور خان

اسلام آباد (پاکستان نیوزپوائنٹ17جنوری2018ء) جي يو آءِ (ف) جي قومي اسيمبلي ميمبر نعيمه ڪشور خان چيو آهي ته قصور سانحي طرز جا واقعا ملڪ جي ٻين حصن ۾ به ٿي رهيا آهن، انهن کي گڏائي ڏسڻ جي ضرورت آهي. ڪالهه اربع ڏينهن قومي اسيمبلي ۾ اعتراض واري نقطي تي نعيمه ڪشور خان چيو ته مردان جي علائقي گوجر ڳڙهه ۾ چئن سالن جي ٻارڙي جي قتل جو واقعو ٿيو، پوليس جو چوڻ آهي ته موت گلو دٻائڻ سان ٿي جڏهن ته ضلعي ناظم چيو ته زيادتي ٿي آهي. صبح گمشدگي جي اطلاع آئي ۽ شام جو ان جو لاش مليو آهي۔