وزيراعظم پوري قوم جي جذبن جي ترجماني ڪئي آهي: شاهه محمود قريشي

اسلام آباد (پاکستان نیوزپوائنٹ 10اگست 2016ء) پاڪستان تحريڪ انصاف جي پارلياماني اڳواڻ شاهه محمود قريشي چيو آهي ته وزيراعظم پوري قوم جي جذبن جي ترجماني ڪئي آهي، اسان کي زخمن تي مرهم رکڻو آهي، پوائنٽ اسڪورنگ نه ٿيڻ گهرجي، اسين پوائنٽ اسڪورنگ نه ڪنداسين، اربع ڏينهن قومي اسيمبلي جي اجلاس ۾ اعتراض واري نقطي تي مخدوم شاهه محمود قريشي چيو ته وزيراعظم جيڪا ڳالهه ڪئي آهي ان سان ڪو به اختلاف نه آهي، هن پوري قوم جي جذبن جي ترجماني ڪئي آهي، هن ڪوئيٽا واقعي جي حوالي سان ڳالهه ڪندي چيو ته وڏو افسوسناڪ واقعو پيش آيو آهي، هر پاڪستاني ۽ شعور رکندڙ انسان ڪوئيٽا سانحي جي مذمت ڪئي آهي ۽ همدردي جو اظهار ڪيو آهي، هن چيو ته اسان به مري رهيا آهيون ۽ متاثر به ٿي رهيا آهيون پر فڪر جو لمحو هي آهي ته دنيا اسان جو موقف مڃڻ جي لاءِ تيار نه آهي، اسان کي زخمن تي مرهم رکڻي آهي، پوائنٽ اسڪورنگ نه ٿيڻ گهرجي اسان پوائنٽ اسڪورنگ نه ڪنداسين، دهشتگردي جي واقعن تي سدائين اسان حڪومت جي گهرائڻ تي شرڪت ڪئي آهي، نيشنل ايڪشن پلان اتفاق راءِ سان بڻايو ويو، هن چيو ته پوليس جون صلاحيتون وڌائڻ صوبائي حڪومتن جي ذميداري آهي، اسان کي هڪ قوم جي حيثيت سان پنهنجي ڪوتاهي جو اعتراف ڪرڻو پوندو.