قومي اسيمبلي جي وجود ۾ اچڻ جا 69 سال مڪمل ٿيڻ تي متفقه قرارداد منظور

اسلام آباد (پاکستان نیوزپوائنٹ 10اگست 2016ء) قومي اسيمبلي قانونساز اسيمبلي جي وجود ۾ اچڻ جا 69 سال مڪمل ٿيڻ تي متفقه قرارداد منظور ڪئي آهي جنهن ۾ زور ڏنو ويو آهي ته جمهوريت، آزادي، برابري، برداشت ۽ سماجي انصاف جي اسلام ۾ بيان ڪيل اصولن تي مڪمل عمل ڪيو ويندو، ڪائنات جي خودمختياري جو تعلق الله جي وحدانيت سان آهي ۽ پاڪستان جي عوام لاءِ انهن اختيارن جو استعمال سندس طرفان ڏنل حدن اندر رهي استعمال ۾ آڻي سگهجي ٿو. اربع ڏينهن وفاقي وزير زاهد حامد ايوان ۾ قرارداد پيش ڪئي جنهن ۾ چيو ويو آهي ته عقيدو، انساني برابري تحت اسان پنهنجي قومي ۽ سياسي اتحاد ۽ يڪجهتي کي تحفظ ڏئي سگهون ٿو، قرارداد ۾ چيو ويو آهي ته پاڪستان جي باني قائداعظم محمد علي جناح جي ان اعلان ته ”پاڪستان هڪ جمهوري رياست هوندي جتي سماجي انصاف، اسلامي اصولن جي بنياد تي ٿيندو“ جا وفادار آهيون، قرارداد ۾ پاڪستان جي عوام پاران مظلوم ۽ جمهوريت جي خلاف قدمن جي لاءِ اڻٿڪ جدوجهد سان جمهوريت کي محفوظ بڻائڻ جي ڪاميابين کي ساراهيو ويو ،قرارداد ۾ چيو ويو آهي ته هي ايوان پاڪستان جي لاءِ عوام پاران هن وقت تائين ڏنل قربانين کان آگاهه آهي، قرارداد ۾ زور ڏنو ويو آهي ته فيڊريشن کي قائد جي اصولن موجب بڻايو ويندو، جنهن ۾ پاڪستان جي عوام کي خوشحال ۽ ان جي حقن ۽ دنيا ۾ هڪ باعزت قوم طور مقام حاصل هجي، اسپيڪر قرارداد ايوان ۾ منظوري لاءِ پيش ڪئي جنهن جي متفقه طور تي منظور ڏني وئي.