ریاض: غیر ملکی شہری دی مرضی خلاف اوہدا پاسپورٹ رکھن والی کمپنی یاں سپانسر نوں 2000 ریال جرمانا کیتا جائے گا: وزارت لیبر

ریاض(پاکستان پوائنٹ نیوز27۔جنوری2017ء) سعودی وزات لیبر برائے سماجی ترقی دے ترجمان دا کہنا اے کہ کمپنی کول ایہ حق نہیں اے کہ اوہ کسے وی ملازم دا اوہدی مرضی دے بغیر پاسپورٹ رکھے۔ اوہناں نے آکھیا کہ کسے وی غیر ملکی دی مرضی دے خلاف اوہدا پاسپورٹ رکھنا جرم اے جہدی سزا دے طور اُتے 2000ریال جرمانا کیتا جا سکدا اے۔ جے کوئی کمپنی انج کردی اے تے اوہنوں اک مہینے اندر اپنی کمپنی دا سٹیٹس درست کرنا ہووے گا جے کوئی ایہدی کوئی خلاف ورزی دوبارا کرے گاتے اوہنوں دو گنا جرمانا ہوئے گا۔