واشنگٹن(پاکستان پوائنٹ نیوز22۔دسمبر2016ء) ایگزیکٹ دے 14کروڑ ڈالر دے جعلی ڈگری کیس وچ پچھلے ورھے پاکستان وچ گرفتاریاں دے بعد عالمی سطح اُتے نویں کارروائی کیتی گئی اے۔غیر ملکی خبر رساں ادارے دے مطابق امریکی عدالت نے پاکستانی ایگزیکٹو اُتے باقاعدا الزام عائد کر دِتا۔تفصیل دے مطا بق مین ہٹن دی وفاقی عدالت وچ ایگزیکٹ دے ایگزیکٹو عمیر حامد خلاف درخاست دائر کیتی گئی سی۔
ایگزیکٹ کمپنی دے 30ورھیاں دے ایگزیکٹو عمیر حامد نوں پیر دے دیہاڑے گرفتار کیتا گیا سی۔ عمیر حامد اُتے امریکا وچ نوجوان کُڑیاں تے مُنڈیاں کولوں فیس لے کے جعلی ڈگریاں ویچن ورگے الزامات نیں۔ اٹارنی دا کہنا سی کہ مئی 2015وچ ایگزیکٹ دے دفتر پاکستان وچ بند کیتے جان دے بعد وی عمیر نے دھندا جاری رکھیا سی۔یاد رہوے کہ پچھلے ورھے پاکستان حکومت نے امریکا توں ایگزیکٹ جعلی ڈگری کیس وچ مدد دی درخاست کیتی سی۔ ایگزیکٹ نوں جعلی ڈگریاں ویچن دے نتیجے وچ لکھاں ڈالر لین دے الزام دا ساہمنا اے۔
