سابق صدر پرویز مشرف نے بھارتی اینکر نوںمونہ توڑ جواب دے دِتا

نویں دِلی(پاکستان پوائنٹ نیوز06۔دسمبر2016ء) سابق صدر جنرل (ر) پرویز مشرف نے بھارتی اینکر نوں کھریاں کھریاں سُنا دِتیاں۔ تفصیل دے مطابق بھارتی ٹی وی چینل اُتے انٹرویو دیندے ہوئے سابق صدر پرویز مشرف نے آکھیا کہ تُہاڈے ایتھے انٹرنیشنل کبڈی ہوئی اے تے تُسیں پاکستان نوں بُلایا ای نہیں، تُسیں فائنلز وچ وی آ گئے پر جے اسیں ہوندے تے نُسیں آپ وی ویکھدے کہ فائنل وچ کیہ ہوندا اے، اسیں تہانوں اینا ماردے۔ جہدے اُتے بھارتی اینکر نے آکھیا کہ سر تُسیں سانوں کیہ مارنا تُسیں تے آپ مر رہے او، جہدے اُتے پرویز مشرف نے آکھیا کہ اسیں نہیں مر رہے، تہانوں مار کے ای مراں گے۔ یاد رہوے کہ انٹرنیشنل کبڈی فیڈریشن نے چالو ورھے اکتوبر وچ بھارت وچ ہون والا کبڈی ورلڈ کپ پاکستان دے بغیر کروان دافیصلا کیتا سی، ایہ فیصلا کشیدا صورتحال پاروں کیتا گیا۔ پرویز مشرف دے بھارتی اینکر نوں دِتے گئے کرارے جواب نوں تُسیں وی سُنو!