واشنگٹن(پاکستان پوائنٹ نیوز06۔دسمبر2016ء) امریکی اخبار دی رپورٹ دے مطابق اوباما انتظامیا بھارتی حکومت نال دفاعی منصوبے نوں حتمی شکل دین وچ رُجھی اے۔ تفصیل دے مطابق امریکی اخبار وچ چھپن والی اک رپورٹ وچ دسیا گیا اے کہ ایس منصوبے دے تحت امریکا جدید لڑاکا جہاز ایف 16تے ایف 18بھارت وچ تیار کرے گا، کمپنی لوک ہیڈ مارٹن ایف 16جہاز تیار کرن دا پلانٹ ٹیکسا توں بھارت منتقل کرے گی جہدے بعد بھارت ایف 16جہاز تیار کرن والا واحد ملک بن جائے گا۔
امریکی اخبار دے مطابق ایس دفاعی منصوبے نوں اوباما انتظامیا دی بھرپور حمایت حاصل اے جدکہ ایس سلسلے وچ امریکی وزیر دفاع ایشٹن کارنر آن والے ہفتے نویں دِلی دا دورا وی کرن گے۔ امریکی اخبار دی رپورٹ دے مطابق ڈونلڈ ٹرمپ دے صدر چُنے جان دے بعد امریکا وچ نفرت انگیز واقعات وچ وادھا ہویا اے پر ہُن امریکا وچ وَسن والے مسلمان تے یہودی اک دوجے دیاں تقریباں وچ رلت کرن لگے نیں۔ رپورٹ وچ آکھیا گیا کہ گروپاں دے قیام دا مقصد بین المذاہب طور اُتے اک دوجے دی تقریب وچ آنا اے۔
