قطر ائر لانز دے جہاز دی ایمرجنسی لینڈنگ، کئی مسافر زخمی

پرتگال(پاکستان پوائنٹ نیوز05۔دسمبر2016ء) واشنگٹن توں دوحا آن والی اُڈان نوں ہوا دے دباءپاروں ڈاڈھے ائر ٹربیولینس دا ساہمنا کرنا پیا۔ ہوا دا دباءاینا سی کہ اُڈان نوں ایمرجنسی لینڈنگ کرنی پئی۔ ٹربیولینس دی وجہ توں کئی مسافر جہناں نے اپنی بیلٹ نہیں بنھی ہوئی سی اپنیاں سیٹاں توں دور جا ڈِگے۔ ائر ٹربیو لینس دی وجہ توں مسافر ڈاڈھے زخمی وی ہوئے۔ لینڈ کرن دے بعد سارے مسافراں نوں حفاظت دے نال جہاز توں باہر کڈھیا گیا جتھوں اوہناں نوں ہوٹل پہنچا دِتا گیا جدکہ زخمی مسافراں نوں ابتدائی ڈاکٹر امداد فراہم کیتی گئی۔