دبئی:متحدا عرب امارات نے پاکستانی شہریاں لئی ویزا پالیسی سخت کر دِتی

دبئی(پاکستان پوائنٹ نیوز28۔نومبر۔2016ء) متحدا عرب امارات دی حکومت نے پاکستانیاں لئی ویزا پالیسی ہور سخت کر دِتی اے۔ پاکستانی نجی اخبار دے مطابق ایس فیصلے وچ ’نیلا‘ پاسپورٹ رکھن والیاں اُتے زیادا سختی کیتی گئی اے، ہن سرکاری پاسپورٹ رکھن والیاں نوں ویزا لین لئی عام شہریاں توں زیادا ویلے لگے گا۔ پاکستانی سینیٹر نے اک پُچھے گئے سوال دے جواب وچ سینیٹ ممبراں نوں دسیا سی کہ نیلا پاسپورٹ رکھن والے بندیاں نوں ہُن متحدا مارات دا ویزا لین لئی بڑیاں اوکڑاں دا ساہمنا کرنا پیا کرے گا۔ اوہناں دا ہور کہنا سی کہ پاکستانی ’نیلا‘ پاسپورٹ ہولڈر ’سفارت کار تے آفیشلز‘ نوں پچھلے تن ورھیاں توں ویزا جاری کروان لئی سخت کلیئرنس توں لنگھنا پے رہیا اے۔