سعودی عرب وچ شہزادے نوں کوڑیاں دی سزا

ریاض(پاکستان پوائنٹ نیوز03۔نومبر۔2016ء) سعودی عرب وچ عدالت دے حکم اُتے شاہی خاندان دے شہزادے نوں سزا دے طور اُتے کوڑے مارے گئے۔ سعودی اخبار دے مطابق شاہی خاندان دے شہزادے نوں جدہ دی عدالت نے سزا دے طور اُتے کوڑیاں سنے قید دی سزا سُنائی سی جہدے بعد عدالتی حکم نوں مَندے ہوئے شہزادے نوں عدالت وچ ای کوڑے مارے گئے۔ اخبار دا کہنا اے کہ شہزادے نوںپولیس اہلکار نے کوڑے مارے پر شہزادے دی شناخت تے کہڑے جرم وچ اوہنوں کوڑے مارے گئے ایس حوالے نال تفصیلاں ساہمنے نہیں آ سکیاں۔ یاد رہوے کہ پچھلے مہینے 19اکتوبر نوں سعودی عدالت نے جرم ثابت ہون اُتے شہزادہ ترکی بن سعود نوں موت دی سزا سُنائی سی تے عدالتی حکم دے مطابق دارلحکومت ریاض وچ اوہدا سرعام سِر لاہیا گیا سی۔