ریاض(پاکستان پوائنٹ نیوز31۔اکتوبر۔2016ء) سعودی عرب نے 9دہشت گرداں دی گرفتاری وچ مدد کرن اُتے لکھاں ریال انعام دا اعلان کیتا اے۔ عرب میڈیا دے مطابق سعودی وزارت داخلا دے ترجمان میجر جنرل منصور الترکی نے اک بیان وچ آکھیا اے کہ پچھلے کُجھ عرصے دے دوران قطیف گورنری تے الدمام شہر وچ ہون والے دہشت گردی دے حملیاں دیاں تحقیقات توں ایہ گل ساہمنے آئی اے کہ کئی خطرناک بندے ایہناں واقعیاں وچ ملوث نیں۔
اوہناں نے آکھیا کہ دہشت گردی دے ایہناں حملیاں وچ سعودی شہری، پر واسی تے سکیورٹی اہلکاراں نوں نشانا بنایا گیا سی۔ اوہناں نے آکھیا کہ مشتبا دہشت گرداں دی لسٹ جاری کر دِتی گئی اے۔ وزارت داخلا نے ایہناں بندیاں نوں آکھیا اے کہ اوہ اپنے آپ سکیورٹی حکام نوں گرفتاری دے دین۔وزارت داخلا نے دہشت گرداں دی گرفتاری وچ مدد دین یاں اوہناں بارے معلومات دین والے بندیاں لئی 10لکھ ریال انعام دا اعلان کیتا اے۔ داخلا وزارت دا کہنا اے کہ جے دِتی گئی اطلاع اُتے کسے اک مطلوب بندے دی گرفتاری عمل وچ آئی تے اطلاع دین والے نوں انعامی رقم ودھا کے 50لکھ ریال دِتی جاوے گی۔
