نویں دِلی(پاکستان پوائنٹ نیوز29۔نومبر۔2018ء) بھارت کئی وار پاکستان خلاف زہر بکدا رہندا اے۔ بھارت دے حکومتی عہدیدار تے خاص کر بھارتی آرمی چیف جنرل بپن راوت اپنے کئی پاکستان مخالف بیاناں دی وجہ توں تنقید دا نشانہ بندے رہندے نیں۔ پاکستان وچ سرجیکل سٹرائیک دا جھوٹھا دعوا وی جنرل بپن راوت نے ای کیتا سی جو بعد وچ جھوٹھا قرار دے دتا گیا تے ایس معاملے اُتے بھارت نوں پوری دنیا ساہمنے شرمندگی دا ساہمنا کرنا پیا سی۔
ایہ شرمندگی اجے گھٹ وی نہیں ہوئی سی کہ بھارتی آرمی چیف نے اک ہور بڑھک مار دتی اے۔ بھارتی آرمی چیف جنرل بپن راوت نے اپنے بیان وچ آکھیا اے کہ جموں کشمیر تے لائن آف کنٹرول دی صورتحال کنٹرول کرن لئی ڈرونز ورتے جا سکدے نیں۔ اوہناں نے ڈرونز ورتن اُتے امریکا تے اسرائیل دی مثال دیندے ہوئے آکھیا کہ امریکا نے ڈرونز دے استعمال توں بہترین نتیجے حاصل کیتے جدکہ اسرائیل وی دہشت گرداں دی مزاحمت ڈرونز توں کنٹرول کردا اے۔ بھارتی آرمی چیف نے اپنی حکومت نوں پاکستان خلاف بائبر ڈوار یعنی پراپیگنڈے وچ وی تیزی لیان دی تجویز دتی اے۔ اوہناں نے آکھیا کہ پاکستان خلاف جھوٹھیاں خبراں کھلارن لئی سائبر حملے وی کرنے پین گے۔
