ممبئی(پاکستان پوائنٹ نیوز22۔نومبر۔2018ء) پاکستان دے ایدھی سنٹر وچ پلن والی بھارتی کُڑی گیتا نوں اجے تیکر ماں پیونہ مل سکے۔ ایس حوالے نال بھارتی وزیر خارجا سشماسوراج دا آکھنا اے کہ ماں پیو نہ ملن دی صوررت وچ اوہنوں پاکستان نہیں گھلاں گے۔ بھارتی وزیر خارجا سشما سوراج نے آکھیا کہ گیتا بھارت دی دھی اے۔ جے اوہدے ماں پیونہیں ملدے تے اوہنوں پاکستان واپس نہیں گھلیا جائے گا۔
بھارتی حکومت ای اوہدی ویکھ بھال کرے گی۔ سشما سوراج دا آکھنا سی کہ اوہ گیتا دے ماں پیو دی بھال لئی کوششاں کر رہیاں نیں ۔اوہناں دا آکھنا سی کہ ہُن تیکر 8جوڑیاں نے گیتا دے ماں پیو ہون دا دعوا کیتا پر ڈی این اے ٹیسٹ توں اوہناں دا دعوا غلط ثابت ہویا۔ بھارتی وزیر خارجا نے آکھیا کہ گیتا ویاہ دی عمر نوں اپڑ گئی اے تے اسیں اوہدے ویاہ دی کوشش وی کر رہے آں۔یاد رہوے کہ غلطی نال سرحد پار کرکے پاکستان آن والی گیتا نوں 26 اکتوبر 2015نوں بھار ت دے حوالے کر دتا گیا سی۔
