واشنگٹن(پاکستان پوائنٹ نیوز20۔نومبر۔2018ء) امریکی محکمہ دفاع پینٹاگون دا آکھنا اے کہ پاکستان تے امریکا دے فوجی تعلقات وچ کوئی تبدیلی نہیں آئی۔تفصیل دے مطابق امریکا دی وزارت دفاع نے واضح کیتا اے کہ پاکستان جنوبی ایشا وچ امریکا دا اہم اتحادی اے۔ پینٹاگون دے ڈائریکٹر پریس آپریشنز کرنل راب میننگ نے واشنگٹن وچ پریس کانفرنس دوران آکھیا کہ خطے وچ پاکستان تے امریکا دے مشترکہ مفادات نیں۔
پرامن تے مستحکم افغانستان لئی پاکستان دا کردار اہم اے۔ اوہناں نے آکھیا کہ پاکستان امریکا فوجی تعلقات وچ کسے قسم دی تبدیلی نہیں آئی۔ یاد رہوے کہ دن دن پہلاں امریکی صدر ڈونلڈ ٹرمپ نے پاکستان دیاں قربانیاں دا اعتراف کرن دی بجائے تنقید کیتی اے۔ اوہناں نے آکھیا کہ پاکستان نے ساڈے لئی کُجھ نہیں کیتا۔ اسیں پاکستان نوں سالہوار اک ارب 30کروڑ ڈالر توں ودھ دتے سن۔ پر اسامہ بن لادن اوتھے رہندا سی۔ اسیں ایسے لئی پاکستان دی امداد روکی۔
