امام دی بیوی نال دیور دی جنسی زیادتی

بھائی نوں کُجھ آکھن دی بجائے امام نے بیوی نوں طلاق دا نوٹس گھل دتا

امام دی بیوی نال دیور دی جنسی زیادتی
بھائی نوں کُجھ آکھن دی بجائے امام نے بیوی نوں طلاق دا نوٹس گھل دتا

مظفر نگر(پاکستان پوائنٹ نیوز29۔اکتوبر۔2018ء) بھارت وچ امام مسجد دی بیوی نوں دیور نے جنسی زیادتی دا نشانہ بنا دتا۔ تفصیل مطابق ایہ شرمناک واقعہ دھندیدا دے پنڈ وچ ہویا، جتھے اک امام دی بیوی نوں دیور نے جنسی ہوس دا نشانہ بنایا۔ ایہو نہیں بلکہ دُکھ دی گل تے ایہ اے کہ امام نے جنسی ہوس دا نشانہ بنان والے بھرا نوں سزا دین دی بجائے اپنی ای بیوی نوں طلاق دا نوٹس گھل دتا۔

میڈیا رپورٹس مطابق متاثرہ سوانی دا پچھلے سال ویاہ ہویا سی۔ پولیس نے دسیا کہ متاثرہ سوانی نوں اوہدے دیور نے زیادتی دا نشانہ بنایا تے مزاحمت اُتے تشدد وی کیتا۔ پولیس نے دسیا کہ واقعہ اودوں ہویا جدوں متاثرہ سوانی دا خاوند گھر موجود نہیں سی۔ متاثرہ سوانی نے ملزم خلاف پولیس سٹیشن وچ ایف آئی آر درج کروائی جیہدے مگروں سوانی نوں ڈاکٹری معائنے لئی ہسپتال گھلیا گیا۔

سوشل میڈیا اُتے ایہ خبر ساہمنے آئی تے متاثرہ سوانی دے خاوند نوں تنقید دا نشانہ بنایا گیا۔ سوشل میڈیا ورتیندڑاں (صارفین) نے خاوند دے رویے اُتے غصے دا اظہار کیتا تے آکھیا کہ امام نوں جنسی ہوس دا نشانہ بنان والے بھرا خلاف ایکشن لینا چاہیدا سی پر اوہنے اُلٹا اپنی ای بیوی نوں طلاق دا نوٹس گھلیا جو دُکھ دی گل اے۔