واشنگٹن(پاکستان پوائنٹ نیوز27۔اکتوبر۔2018ء) اک امریکی سوانی نے اپنے نِکے بال نوں صرف ایس لئی قتل کر دتا کیونکہ اوہ اوہدے رون دی آواز سُننا نہیں چاہندی سی۔ اک غیر ملکی رپورٹ مطابق 19ورھیاں دی جینا نامی امریکی سوانی نے اپنے اک مہینے دے بال دا ہتھ نب وچ ڈوب کے قتل کر دتا۔ حیرانگی گل ایہ اے کہ سوانی نے بال نوں مارن لئی طریقے وی انٹرنیٹ توں لبھے سن۔
پولیس مطابق سوانی دے موبائل توں سرچ لاگ دے سو توں ودھ ثبوت ملے نیں جیہدے وچ بال نوں مارن دے کئی طریقے لبھے گئے، جیہناں وچ چھیتی مارن دا طریقہ، بال نوں ڈوبن وچ کِنا ویلا لگدا اے، پنج قسم دے ماں پیو جو قتل کردے نیں، ماں پیو نوں کیوں ماردے نیں تے لاپتا بالاں دے مقدمیاں ورگے سرناویں(عنوانات) شامل نیں۔ تحقیقاتی ٹیم مطابق سوانی دا آکھنا اے کہ اوہنوں اپنے اک مہینے دے بال دا ہتھ نب وچ ڈوب کے سکون اے کیونکہ اوہ اپنے بال دی رون دی آواز سُننا نہیں چاہندی سی۔
پولیس مطابق بال نوں مارن مگروں سوانی نے بال دی لاش اک بیگ وچ لُکا دتی تے پولیس نوں اوہدے اغوا دی خبر دتی۔ پر تفتیش کرن مگروں بیگ لبھیا گیا ، جیہدے مگروں سوانی نوں گرفتار کر لیا گیا۔عدالت وچ پیشی دے موقعے اُتے سوانی نے سبھ کُجھ سچ دس دتا۔
