بھارت(پاکستان پوائنٹ نیوز23۔اکتوبر۔2018ء) باورچی دے کھانے تے سلیقے توں متاثر ہو کے وزیرنے انعام دے طور اُتے 25ہزار رُپئے نقدتے عمرے اُتے گھلن دا وعدہ وی کیتا۔ تفصیل مطابق بھارتی شہر منگورو وچ کرناٹکا دے اک وزیر برائے فوڈ اینڈ سول سپلائز بی زیڈ ضمیر احمد خان نے اک ہوٹل وچ قیام کیتا تے اوتھوں روٹی کھادی۔ باورچی دے ہتھ دا ذائقہ تے اوہدا سلیقہ ویکھ کے وزیر نے خشی نال باورچی نوں نہ صرف 25ہزار رُپئے ٹپ دتی بلکہ اوہنوں عمرہ کروان دا وعدہ وی کیتا۔
باورچی حنیف نے وزیر نوں مچھی تے چاؤل بنا کے کھوائے جو اوہنوں بہت پسند آئے۔دوجے پاسے حنیف نے دسیا کہ جیویں ای میں ہال وچ وڑیا تے وزیر ضمیر احمد خان نے مینوں جی آیاں آکھیا تے اپنے کول بٹھا لیا۔ حنیف نے دسیا کہ ضمیر احمد خان نے مینوں اپنی پلیٹ وچوں آپ ہتھ نال روٹی کھوائی تے مینوں اوہناں نے آکھیا کہ میں انج دی مچھی تے ایس طرحاں دا کھانا کدی نہیں کھادا۔ تے ایسے خشی وچ اوہناں نے مینوں 25ہزار رُپئے انعام تے عمرے اُتے لیجان دا وعدہ کیتا۔
