ترکی:37سال لوک غلط پاسے مونہ کر کے نماز پڑھدے رہے

ترکی:37سال لوک غلط پاسے مونہ کر کے نماز پڑھدے رہے

استنبول(پاکستان پوائنٹ نیوز19۔اکتوبر۔2018ء) ترکی دی مسجد وچ نمازی 37سال تیکر غلط پاسے مونہ کر کے نماز پڑھدے رہے۔ تفصیل مطابق ترکی دی اک مسجد وچ سارے نمازی 37سال غلط پاسے مونہ کر کے نماز پڑھدے رہے۔مسجد وچ آن والے نویں امام نے سارے نمازیاں دے ساہمنے غلطی دی نشان کاری کیتی۔ ترکی میڈیا رپورٹس وچ دسیا گیا اے کہ 37سال تیکر ترکی دی اک مسجد وچ نمازی غلط پاسے مونہ کر کے نماز پڑھدے رہے تے کدی کسے نوں ایس بارے احساس وی نہ ہویا کہ اوہ غلط پاسے مونہ کر کے نماز پڑھ رہے نیں۔

1981وچ مغربی صوبے یالوا دے علاقے سگورین وچ موجود اک مسجد دے محراب دی اُساری دوران غلطی ہوئی سی۔ جیہدی وجہ توں خانہ کعبہ دی سمت غلط ہوگئی۔ میڈیا رپورٹس وچ دسیا گیا کہ پچھلے سال تعینات ہون والے نویں امام عیسی کایا نے ایس غلطی نوں نوٹس کیتا۔ نویں امام نے مسجد وچ آن مگروں ویکھیا کہ سارے نمازی غلط پاسے مونہ کر کے نماز پڑھ رہے نیں جیہدے مگروں اوہناں نے مقامی مفتی نال صلاح کیتی تے حکام نے ایس گل دی تصدیق کیتی کہ ایس مسجد دی اُساری ویلے اوہدا محراب بنان وچ غلطی ہوئی سی۔ نویں امام نے محراب نوں توڑن دی بجائے فیصلا کیتا کہ مسجد دے قالین اُتے چِٹے رنگ دی ٹیپ نال ٹھیک پاسے ول تیر دے نشان بنا دتے جان۔