جکارتہ(پاکستان پوائنٹ نیوز29۔ستمبر۔2018ء) انڈونیشیا وچ آن والے زلزلے دے نتیجے وچ موتاں دی گنتی 384ہوگئی اے۔ تفصیل مطابق انڈونیشیا دے جزیرے سولا ویسی دے سمندری شہر پالو وچ پچھلے دیہاڑے زلزلے دے ڈاڈھے جھٹکے محسوس کیتے گئے۔ زلزلے دے ڈاڈھے جھٹکیاں دی وجہ توں سونامی دیاں لہراں سمندری علاقیاں نال وی ٹکرا گئیاں۔ زلزلے دے جھٹکے محسوس ہون اُتے بال تے سوانیاں دے رولا پان دی آواز سُنی گئی، لوک مدد لئی پکاردے رہے۔
امریکی جولوجیکل سروے مطابق ریکٹر سکیل اُتے زلزلے دی شدت7.5ریکارڈ کیتی گئی سی۔ جیہدے نال سمندر وچ 10فٹ توں اُچیاں لہراں اُٹھیاں، جیہناں نے سمندری شہر پالو وچ تبادی پھیر دتی۔زلزلے دا مرکز پالو شہر نیڑے موجود مچھیریاں دے قصبے ڈونگ گالا توں 27کلو میتر دور سمندر وچ سی۔ زلزلے دے نتیجے وچ 384 بندے ہن تیکر ہلاک ہو گئے نیں جدکہ اجے تیکر سینکڑیاں دے حساب نال بندے زخمی نیں، جیہناں نوں ہسپتالاں وچ ڈاکٹر ای امداد تی جا رہی اے۔
