مکہ مکرمہ(پاکستان پوائنٹ نیوز25۔ستمبر۔2018ء) خانہ کعبہ نوں اج غسل دتا جائے گا۔ تفصیل مطابق نویں ہجری سال دی مناسبت نال خانہ کعبہ وچ غسل کعبہ دی روح پرور تقریب اج ہوئے گی۔ دنیا بھر توں آئے ہوئے حاجیاں دی واپسی مگروں خانہ کعبہ نوں اج غسل دتا جائے گا۔ خانہ کعبہ نوں ہزاراں من آب زم زم تے عرق گلاب نال غسل دتا جائے گا۔خادم حرمین شریفین شاہ سلمان بن عبدالعزیز دی نیابت کردے ہوئے مکہ مکرمہ دے گورنر شہزادہ خالد الفیصل تے مشیر خادم حرمین شریفین خانہ کعبہ نوں غسل دین گے۔ غسل دی تقریب دے دوران خانہ کعبہ دیاں اندرلیاں کندھاں نوں عرق گلاب، عود تے ہور خشبوواں وچ تَر چِٹے کپڑے نال جدکہ فرش اُتے آب زم زم تے عرق گلاب پا کے کھجور دے پتیاں تے ہتھ نال صاف کیتا جائے گا۔
خانہ کعبہ نوں اج غسل دتا جائے گا
6 سال پچھے
