ایران(پاکستان پوائنٹ نیوز22۔ستمبر۔2018ء) ایران وچ فوجی پریڈ دوران دہشت گرداں نے حملا کیتا اے، حملے دے نتیجے وچ 8فوجی اہلکار ہلاک ہو گئے۔ میڈیا رپورٹ وچ دسیا گیا اے کہ ایرانی صوبے خزستان دے شہر جنوبی مغربی اہواز وچ فوجی پریڈ دوران دہشت گرداں نے حملا کیتا۔میڈیا رپورٹ مطابق فوجی اہلکار پریڈ وچ رُجھے سن کہ ایس دوران نامعلوم بندیاں نے فائر کھول دتے۔
فائرنگ دے نتیجے وچ کئی فوجی اہلکار ہلاک تے 20توں ودھ زخمی ہوئے۔ ایرانی میڈیا مطابق فوجی آپریشن وچ رلتی فوجی قافلے نوں دہشت گرداں نے نشانہ بنایا۔ سکیورٹی فورسز دی جوابی فائرنگ دے نتیجے وچ 4توں 5حملا آور ہلاک ہو گئے۔ فائرنگ مگروں سکیورٹی فورسز نے علاقے نوں گھیرے وچ لے لیا۔ یاد رہوے کہ فوجی پریڈ 1980توں 1988وچکار ہون والی ایران و عراق جنگ دی یادگار دے طور اُتے کیتی جا رہی سی۔
