ممبئی(پاکستان پوائنٹ نیوز20۔ستمبر۔2018ء) ممبئی توں جے پور جان والی بھارتی ائر لائن دی اُڈان دی ہنگامی لینڈنگ ہوئی۔ بھارتی میڈیا مطابق ممبئی توں جے پور جان والی بھارتی ائر لائن دی اُڈان وچ مسافراں دے نک وچوں لہو نکلنا شروع ہو گیا۔ جہاز وچ ائر پریشر گھٹ سی جیہدی وجہ توں مسافراں نال ایداں ہویا۔ جہاز وچ 171مسافر سوار سن۔ ائر پریشر وچ کمی جہاز دے عملے دی لاپرواہی پاروں ہوئی ،جیہدی وجہ توں جہاز نوں ہنگامی لینڈنگ کروائی گئی۔ بھارتی میڈیا دا کہنا اے کہ مسافراں نوں ڈاکٹری امدادی لئی ہسپتال منتقل کر دتا گیا اے۔جتھے اوہناں نوں ڈاکٹری امداد دتی جا رہی اے۔
ممبئی توں جے پور جان والی اُڈان دی ہنگامی لینڈنگ
اُڈان دوران مسافراں دے نَک وچوں لہو نکلنا شروع ہو گیا:بھارتی میڈیا
6 سال پچھے
