ریاض(پاکستان پوائنٹ نیوز18۔ستمبر۔2018ء) سعودی عرب نے وزیر اعظم عمران خان دا تاریخی استقبال کرن دیاں تیاریاں کر لیاں،سعودی عرب دی راجدھانی ریاض نوں پاکستانی جھنڈیاں نال سجا دتا گیا، اہم سڑکاں اُتے سعودی عرب تے پاکستانی جھڈے لا ئے گئے نیں۔ تفصیل مطابق پاکستان تے سعودی عرب دے تعلقات کسے توں لُکے ہوئے نہیں نیں۔ سعودی عرب نے ہر مشکل ویلے وچ پاکستان دا نہ صرف ساتھ دتا بلکہ عملی طور اُتے وی کم کر کے وکھایا۔
دوجے پاسے پاکستان نے وی ہر عالمی تے علاقائی معاملے اُتے سعودی حکومت دا ساتھ دتا۔ پر یمن فوج گھلن توں انکار اُتے اسلا می ملک تے پاکستان وچ معمولی خفگی پیدا ہو گئی سی جیہدے مگروں سعودی حکومت نال تعلقات تھوڑے ٹھنڈے پے گئے۔ پر پاکستان تے سعودی عرب وچکار اجے وی مثالی تعلقات نیں ۔ جدکہ ہن تحریک انصاف دی حکومت بن گئی اے پاکستان تے سعودی عرب وچ نویں تعلقات دی شروعات ہون والی اے۔
ایس سلسلے وچ وزیر اعظم عمران خان نے اپنا پہلا غیر ملکی دورہ کرن لئی سعودی عرب دا چناؤ کیتا۔ وزیر اعظم اج سعودی عرب تے متحدہ عرب امارات دے سرکاری دورے اُتے چلے گئے نیں۔ دوجے پاسے سعودی حکومت نے وزیر اعظم عمران خان دا تاریخی استقبال کرن دیاں تیاریاں کر لیاں نیں۔ سعودی عرب دی راجدھانی ریاض نوں پاکستانی جھنڈیاں نال سجا دتا گیا۔ اہم سڑکاں اُتے سعودی عرب تے پاکستانی جھڈے لا ئے گئے نیں۔وزیراعظم عمران خان اپنے دورے دوران اہم سعودی رہنماواں نال ملاقات کرن گے۔
