بھارت وچ راحت فتح علی خان دا کنسرٹ منسوخ

ممبئی(پاکستان پوائنٹ نیوز10۔اکتوبر۔2016ء) پاکستان تے بھارت وچکار جاری کشیدگی دے نتیجے وچ پاکستان دے مشہور گلوکار راحت فتح علی خان دا بھارت وچ اگلے مہینے دے آخیر اُتے ہون والا کنسرٹ منسوخ ہو گیا اے۔ دسیا گیا اے کہ راحت فتح علی خان نے نوئیڈا وچ اک کنسرٹ وچ رلت کرنی سی پر ہُن آرگنائزر نے اوہناں نوں کنسرت اُتے نہ بُلان بارے غور شروع کر دِتا اے۔ٹائمزآف انڈیا دے مطابق آرگنائزرز دے وسیلیاں دا کہنا اے کہ تہوار دے سیزن وچ مالز وچ وڈے کنسرٹس ہونا ممکن نہیں، کیوں جے ایس دوران کئی طرحاں دیاں سرگرمیاں چل رہیاں ہوندیاں نیں۔ایس لئی اسیں اپنے کنسرٹس نومبر تیکر ملتوی کردِتے سن پر موجودا سیاسی منظر نامے نوں ویکھدے ہوئے پاکستانی فنکاراں نوں بُلانا عقل والی گل نہیں اے۔