پاکستان دوست تے اہم شراکت دار اے:معاون امریکی وزیر دفاع

پاکستان نے دہشت گردی خلاف جنگ وچ بہت قربانیاں دتیاں :تقریب نال خطاب

پاکستان دوست تے اہم شراکت دار اے:معاون امریکی وزیر دفاع
پاکستان نے دہشت گردی خلاف جنگ وچ بہت قربانیاں دتیاں :تقریب نال خطاب

واشنگٹن(پاکستان پوائنٹ نیوز07۔ستمبر۔2018ء) امریکا دے معاون وزیر دفاع رینڈل شرائیور نے آکھیا اے کہ پاکستان امریکا دا دوست تے اہم شراکت دار اے، پاکستان نے دہشت گردی خلاف جنگ وچ بہت قربانیاں دتیاں نیں۔ غیر ملکی خبر رساں ادارے مطابق واشنگٹن وچ پاکستانی سفارت خانے وچ دفاع دیہاڑ دے حوالے نال ہون والی تقریب وچ رینڈل شرائیور دا کہنا سی کہ اسیں دہشت گردی خلاف جنگ وچ پاکستانیاں دیاں قربانیاں نوں قدر دی اکھ نال ویکھدے آں۔

اوہناں دا ہور کہنا سی کہ پاک، امریکا فوجی تعلقات ہمیشہ بنیادی اہمیت دے حامل رہے نیں تے پاکستانی فوجیاں نال تعلقات بہتر بنان لئی کوششاں جاری رکھاں گے۔ رینڈل شرائپور دا کہنا سی کہ وزیر خارجا مائیک پوپیو تے چیئرمین جوائنٹ چیفس آف سٹاف جنرل جوزف ڈنفورڈ دا دورہ پاکستان بہتر رہیا تے دوناں ملکاں وچکار بہت چنگے ماحول وچ گل بات ہوئی۔ اوہناں نے آکھیا کہ مائیک پوپیو تے ڈنفورڈ دے دورہ پاکستان مگروں بہتر تعلقات لئی پراُمید آں۔