امریکا سنے 40 توں ودھ ملکاں نے مسلح ڈرونز دی عالمی پدھر اُتے فروخت دے منشور دی منظوری دے دِتی

واشنگٹن(پاکستان پوائنٹ نیوز 06۔اکتوبر 2016ء) امریکا سنے دنیا دے 40 توں ودھ ملکاں نے مسلح ڈرونز دی عالمی پَدھر اُتے فروخت دے منشور دی منظور د ے دِتی۔ غیر ملکی میڈیا دے مطابق امریکی محکما خارجا ولوں منشور جاری کیتا گیا اے جہدے اُتے دستخط کرن والیاں وچ برطانیا، جرمنی، آسٹریلیا تے ہور ملک شامل نیں۔ منشور وچ ایس گل نوں منیا گیا اے کہ مسلح ڈرونز دی غلط ورتوں جھیڑے تے عدم استحکام نوں فروغ مل سکدا اے تے ایہدے نال دہشت گردی تے منظم جرماں نوں وی مدد مل سکدی اے۔ منشور وچ مطالبا کیتا گیا اے کہ عالمی برداری مسلح ڈرونز دیاں ذمے واراناں ویچ وٹک تے ورتوں دے حوالے نال شفاف اقدامات کرے جدکہ ڈرونز دی ورتوں اُتے عالمی قوانین لاگو کیتے جان۔