ریاض( پاکستان پوائنٹ نیوز11۔اگست۔2018ء ) سوشل میڈیا اُتے گھمن والی اک ویڈیو وچ سعودی اہلکار نے وڈیری حاجن نوں گرمی توں بچان لئی انسانی جذبے دی وڈی مثال قائم کر دتی، دل موہ لین والا منظر سوشل میڈیا اُتے تیزی نال مقبول رہیا اے۔ عرب ٹی وی مطابق فوٹیج وچ ویکھیا جا سکدا اے کہ اک وڈیری مائی نوں سخت گرمی دا اثر اپنے پیراں وچ محسوس ہون لگا تے اوہ پریشانی نال سڑک کنڈھے ای کھلو گئی۔
ایس دوران ڈیوٹی اُتے موجود اک پولیس اہلکار مائی نوں پریشان ویکھ کے اوہدی مدد لئی آیا۔ پولیس اہلکار نے گرمی نال ستائی مائی دی پریشانی وچ ویکھ کے اپنیاں جُتیاں لا ہیاں تے زمین اُتے بِہ کے اوس مائی دے پیراں وچ پوان لگا۔ ایس منظر نوں لاگیوں جان والے حاجیاں نے اپنیاں اکھاں نال ویکھیا جدکہ کئی لوکاں نے ایس منظر نوں کیمرے وچ کیچ کردے ہوئے سوشل میڈیا اُتے اپڑا دتا۔سوشل میڈیا اُتے پولیس اہلکار دے انسانی جذبے نوں بہت سلاہیا جا رہیا اے۔
