بھارت نے پاکستان اُتے سرجیکل نہیں فرضیکل حملے کیتے: بی جے پی رہنما دا اعتراف

نویں دِلی( پاکستان پوائنٹ نیوز28۔جون2018ء ) بھارتیہ جنتا پارٹی دے اہم و مرکزی رہنما ایرون شور نے آخیر قبول کر لیا اے کہ پاکستان اُتے سرجیکل حملے صرف مودی دے دعوے تے ڈرامہ سی۔ بھارتی ٹی وی مطابق بی جے پی تھنک ٹینک دے اہم رکن ایرون شورے نے ایس گل دا انکشاف اک تقریب وچ کیتا ۔ اپنے خطاب دوران اوہناں دا کہنا سی کہ ایہ حملے سرجیکل نہیں بلکہ فرضیکل حملے سن ایہ دعوے صرف الیکشن وچ جت لئی لائے گئے سن۔ چیتے رہوے کہ ستمبر 2018نوں بھارت نے دعوا کیتا سی کہ بھارت نے لائن آف کنٹرول اُتے دہشت گرداں دے ٹھکانیاں نوں نشانہ بناندے ہوئے پاکستان وچ سرجیکل سٹرائیکس کیتی اے پر نہ صرف پاکستانی فوج نے ایس دعوے نوں رد کر دتا سی بلکہ دنیا بھر نے بھارت دے ایس دعوے نوں رد یا سی۔