ہور کشیدگی نہیں چاہندے، بھارت نے پاکستان نال رابطا کر لیا

نویں دِلی(پاکستان پوائنٹ نیوز،پہلی۔اکتوبر2016ء) ایل او سی اُتے جارحیت وکھان دے بعد بھارت دے ہوش ٹھکانے آ گئے نیں۔ تفصیل دے مطابق بھارت دا کہنا اے کہ اسیں ہور کشیدگی نہیں چاہندے جہدے پیش نظر اوہناں نے پاکستان نال رابطا کیتا اے۔ مودی دے مشیر نے سینیئر شخصیت نال رابطا کر کے پاکستانی وزیر اعظم نواز شریف نوں پیغام گھلیا اے کہ اسیں ہور کشیدگی نہیں چاہندے۔ایس بیان توں ایہ ثابت ہوندا اے کہ بھارت نوں پتا چل گیا اے کہ پاکستان نال فوجی آپریشن دے نتیجے وچ زیادا نقصان بھارت دا ہووے گا۔