یو اے ای دے کئی علاقیاں وچ شوال دا چن نظر آ گیا

یو اے ای دے کئی علاقیاں وچ شوال دا چن نظر آ گیا

انقراہ( پاکستان پوائنٹ نیوز14۔جون2018ء ) متحدہ عرب امارات وچ شوال دا چن نظر آ گیااے۔ ترکی وچ وی کل نکی عید منائے جائے گی۔ میڈیا رپورٹس مطابق متحدہ عرب امارات دے ماہر فلکیات نے جدید ٹیکنالوجی نال دن دی تیز روشنی وچ شوال دا چن لبھ کے مسلم دنیا نوں حیران کر دتا اے۔ عرب میڈیا دا کہنا اے کہ ماہرین فلکیات نے متحدہ عرب امارات دے شہر العین دی پہاڑی حفیت اُتے اجلاس دوران چن لبھیا۔

شوال دے چن نوں دوپہر اک وجکے 53منٹ اُتے فلکیاتی تکنیک آسٹرو فوٹو گرافی دی مدد نال لبھیا گیا۔ جو 3وجکے 43منٹ تیکر ویکھیا گیا۔ پر نکی عید منان دا اعلان یو اے ای دی مرکزی کمیٹی ای کرے گی۔ میڈیا دا کہنا اے کہ چن دی رویت کمیٹی دا اجلاس مغرب مگروں ہوئے گا۔ حتمی اعلان متحدہ عرب امارات دی رویت ہلال کمیٹی ای کرے گی۔ ایس توں پہلاں دسیا گیا سی کہ متحدہ عرب امارات دے کئی علاقیاں وچ شوال دا چن نظر آ گیا اے۔

عالمی ماہر فلکیات نے جبل حفیت اُتے شوال دے چن نظر آن دیاں شہادتاں اکٹھیاں کیتیاں۔ خلیج ٹائمز مطابق متحدہ عرب امارات وچ چن نظر آن دا حتمی اعلان یو اے ای دی رویت ہلال کمیٹی ای کرے گی۔ میڈیا اطلاع مطابق ترکی وچ 30روزیاں مگروں کل عید منائی جائے گی۔دوجے پاسے پاکستان وچ شوال دا چن نظر آن بارے محکمہ موسمیات نے نواں بیان جاری کیتا۔ محکمہ موسمیات ولوں جاری بیان وچ آکھیا گیا کہ سورج ڈُبن مگروں 14منٹ تیکر کراچی وچ شوال دا چن نظر آن دا امکان اے۔

محکمہ موسمیات نے آکھیا کہ سمندری پٹی اُتے چن نظر آن دی آس اے۔ ایس توں وکھ حیدر آباد13، جیکب آباد 10تے نوابشاہ وچ 12منٹ تیکر چن نظر آن دی آس اے۔جدکہ کوئٹہ وچ10تے ژوب وچ 8منٹ تیکر چن نظر آن دا امکان اے۔ چن دا سبھ توں بُہتا دورانیہ کراچی، سمندری پٹی حیوانی تے پسنی وچ ہوئے گا۔