ریاض( پاکستان پوائنٹ نیوز11۔جون2018ء ) اج کل سوشل میڈیا اُتے اک سعودی سوانی دی وڈی کاوش بحث دا موضوع بنی ہوئی اے۔ ذکر کیتی گئی سوانی دی کہانی نے لوکاں دے دلاں وچ موجود ایمان دی حرارت وچ ہور وادھا کر دتا اے۔ تفصیل مطابق ہیٹھلے طبقے توں تعلق رکھن والی سعودی سوانی اپنے خاوند دی تنخاہ نال لگاتار 30سال تیکر معمولی پیسے ایس نیت نال جوڑدی رہی کہ اوہ ایہدے نال اک مسجد بنوائے گی۔
آخیر اوہدا ایہ کم رنگ اودوں لے آیا جدوں اوہدے ساہمنے اک خوبصورت مسجد اوہنوں اپنے پرانے خاب نوں پورا کرن دا احساس دوا رہی سی۔ اپنی ماں دی کئی دہاکیاں(عشریاں) اُتے محیط ایس لگن تے کوشش نوں اوہدے پُتر محمد الحربی نے ٹویٹر راہیں ساہمنے لیاندا۔ الحریبی نے اک تصویر ٹویٹر اُتے شیئر کیتی، جیہدے وچ اوہدی ماں اک نویں بنائی مسجد دے احاطے وچ کھلوتی اے۔
الحریبی نے ٹویٹر وچ لکھیا کہ اے ماں تُسیں کِنے عظیم او۔ میری ماں میرے مرحوم والد دی معمولی تنخاہ نال کدی انجوائے نہیں کر سکی۔ اوہ ایس تنخاہ توں لگاتار 30سال تیکر اک ریال بچاندی رہی۔ آخر اوہنے میرے والد دے ناں توں مسجد بنا دتی۔ خدا میرے مرحوم والد نوں سُکھ دیوے تے اوہنوں جنت وچ اُچا مقام دیوے۔ الخریبی دی ایہ پوسٹ ساہمنے آؤندے ای ویکھدے ای ویکھدے وائرل ہو گئی۔جیہنوں سوشل میڈیا نے ورتیندڑاں نے ڈاڈھا پسند کیتا اے۔
