کوالالمپور( پاکستان پوائنٹ نیوز25۔مئی2018ء ) یوکرائنی فضائی حدود وچ ملائیشین ائر لائن دی تباہی دے تفتیش کار دا کہنا اے کہ اُڈان ایم ایچ 17نوں ڈیگن والا میزائل روسی فوج دا سی۔روسی یونٹ دی شناخت کر لی گئی اے۔ میزائل روس دی 53ویں اینٹی ائر کرافٹ بریگیڈ ولوں ماریا گیا۔ غیر ملکی میڈیا مطابق ملائیشین ائر لائن دی اُڈان ایم ایچ 17دی 2014وچ یوکرائن دی فضائی حدود وچ تباہی دی تفتیش کرن والے ماہرین نے آکھیا اے کہ اوہناں نے اوس روسی فوجی یونٹ دی شناخت کر لی اے جس نے ایہ میزائل ماریا سی۔
تفتیشی ٹیم دے رکن و ہالینڈ دی نیشنل پولیس دے کرائم سکواڈ دے سربراہ ولبرٹ پالیسن مطابق ایہ میزائل روس دی 53ویں اینٹی ائر کرافٹ بریگیڈ ولوں ماریا گیا۔ نیوز کانفرنس دوران اوہناں داکہنا سی کہ میزائل لیجان والے قافلے دیاں ساریاں گڈیاں روسی فوج دیاں سن۔
